Mradi wa Vijana Kilimo Biashara (VKB) unasimamiwa na kutekelezwa na shirika la RIKOLTO Afrika Mashariki kwa kushirikiana na AgriHub Tanzania pamoja na wadau wengine kupitia ufadhili wa Shirika la Chakula Duniani (WFP) na MasterCard Foundation unalenga kuwahamasisha vijana wenye biashara na ubunifu katika sekta ya kilimo kutoka mikoa ya Dodoma na Singida.

Lengo kuu ni kuendeleza usalama wa chakula na mifumo endelevu ya kilimo kwa kuongeza thamani kwenye mazao ya mtama, alizeti, mbogamboga, na matunda. Mradi unalenga vijana wenye biashara au ubunifu unaosaidia kuongeza uzalishaji, kupunguza upotevu wa mazao, na kuimarisha masoko kwa mazao husika.

Malengo ya Mradi wa VKB

1. Kuongeza Uzalishaji: Kuwapa wakulima vifaa na teknolojia za kisasa kama mbegu bora, mashine za kilimo, na mbinu za udhibiti wa wadudu na magonjwa.
2. Kupunguza Upotevu wa Mazao Baada ya Mavuno: Kuwapa wakulima teknolojia za uhifadhi na usindikaji ili kuboresha ubora na upatikanaji wa mazao.
3. Kuimarisha Masoko: Kuwezesha mifumo ya masoko kwa kuunganisha wakulima na wateja, pamoja na huduma za kifedha na za kifedha zinazohitajika.

Mtiririko wa Mradi

• Usajili na Uhamasishaji: Vijana wenye biashara katika sekta ya kilimo wanakaribishwa kujiandikisha kupitia kiunganishi (https://bit.ly/VKB-GFA). Mwisho wa usajili ni tarehe 20 Novemba 2024.
• Mafunzo na Malezi ya Kibiashara: Biashara 100 zitaingia kwenye mafunzo ya wiki moja na kupatiwa ushauri kwa muda wa miezi mitatu kwa ajili ya kuboresha biashara.
• Fainali: Biashara bora 20 zitapata mtaji wa hadi Tsh. 70,000,000 na fursa za kujitangaza kwa wadau.

Sifa za Kushiriki

• Umri kati ya miaka 18-35 kutoka wilaya za Dodoma au Singida.
• Ubunifu au biashara inayoongeza thamani kwenye mtama, alizeti, mbogamboga, au matunda.
• Kujitolea kushiriki kikamilifu hadi mradi utakapoisha.